Orenbur ölkäse Quandıq rayonı Nikol'ski awılı mäktäp direktorı Ramil Yosıpov Qazan belän beraz bäyläneş bar inde dip belderä. Oktäberdä Nikol'ski urta mäktäbennän ber uqıtuçıları Qazanda bulıp qaytqan. Läkin şuña da qaramastan tatar mäktäpläreneñ kübese üz qazanında qaynarğa mäcbür dip belderä. Üzlärendäge problemaları turında “Azatlıq” radiosına Ramil Yosıpov
Bezgä uqıtu metodik äsbaplar citmi. Sovetlar Berlegennän qalğan kitaplar belän qullanabız.
Ramil Yosıpov belderüençä, alarnıñ awılına tatarlar 1801нче yılnı kilep urnaşqannar – çep-çi tatar awılı. Bügen biredä 200 xucalıq bar ikän, alarda 700 tiräse millättäşebez ğömer kiçerä. Läkin Ramil Yosıypovnı isä uquçılarnıñ sannarı kimüe şaqtıy borçıy. Ramil Yosıpov
Kolxozlar tarqalıp bara. 4 yıl elek mäktäptä 140 uquçı ide, xäzer 74 bala qaldı.
Ramil Yosıpovnıñ mäktäp direktorı bulıp eşli başlawına kiläse yılğa 20 yıl bula. Ul bu könnärdä Tatarstannıñ mäğärif häm fän ministrlıyğında da bulırğa farazlıy - elemtälärne nığıtu öçen. Ramil Yosıpov
Başqortstan üzlärenekenä nıq yärdäm itä. Alar kitaplar alıp kilälär, konsertlar quyalar. Tatarstannıñ berniçä oyışmasına isä möräcäğät itep yazğan idem, Rusiä zur häm barısına da yärdäm itep beterep bulmıy didelär. Rusiä zur bulsa da tatar mäktäpläre sanawlı ğına. Tatarstan isä nindider äydäwçe rolen uynarğa tieş.
Ramil Yosıpov min direktor bulğanğa Qazanğa kilä aldım, ämma böten tatar mäktäbe citäkçeläreneñ dä mömkinlege yuq dip äytä häm Qazan belän küper bulırğa tieş dip assızıqlıy. Ramil Yosıpov
Bezneñ Orenbur mäğärif ministrlıyğında xäzer tatar mäktäpläre belän eşläwçe xezmätkär yuq, elek ul bar ide. Bilgele ber xezmätkär bar, ämma ul 5-6 wazıyfanı başqara, şuña tatar mäktäplärenä waqıtı citmi. Bezneñ xäzer Qazan belän bäyläwçe oyışma yuq.
Orenburgnıñ Nikol'ski awılı urta mäktäbe direktorı Ramil Yosıpov Qazanğa berençe tapqır kilü nisbätennän küp istälekle cirlärdä bulğanın äytä. Tarixi watanı turında kitaplardan da şaqtıy uqısa da, üz küzen belän kürü bötenläy ikençe ikän di.
Landış Xarrasova
