Ğinwar ayınıñ berençe yartısında “Azatlıq” radiosı dulqınında Qazannan Rimzil äfände Väliev:”Yaña ğasır” radiokanalında “Azatlıq”nı retranslyatsiäläüne tuqtatırğa teläwçelär bar. Sezneñçä, “Azatlıq” radiosı xalıqlar arasında doşmanlıq taratamı häm anıñ tapşırularında Rossiägä qarşılıq barmı?”- kebegräk fiker äytelgän ide. Bezneñ Samar ölkäsendä”Azatlıq” tapşıruların xäzer bik küplär “Yaña ğasır” dulqınında tıñlıylar. Şundıy tıñlawçılarnıñ berse – Azat Nadirov.
Azat äfände, “Yaña ğasır” dulqınında “Azatlıq”nı yabarlıq berär säyäsi küreneş barmı?
Yuq, andıy närsä yuq. “Azatlıq” nı yabu Rossiä häm tatar xalqına zıyan ğına kiteräçäk. “Azatlıq” radiosı Räsäydäge demokratik üzgäreşlärne nığıta ğına. Äle bit räxätkä çıqtıq. Qısqa dulqında tapşırular naçar işetelä, şıtırdıy, pomexalar küp. “Yaña ğasır” dulqınında tapşırularnıñ sıyfatı yaxşı. Tapşırular tuqtalsa, bezneñ öçen zur yuğaltu. Ä eçtälegendä Räsäygä bernindi qarşılıq yuq. Bez “Azatlıq” aşa tatarnıñ problemaların belep torabız häm şunda uq üzebezgä dä yaxşılıqnı küçeräbez. Dimäk Rossiäne nığıtabız. “Azatlıq” tapşıruları “Yaña ğasır” radio formatına sıya, kileşä, ul “Yaña ğasır”nı bayıta ğına, çönki “Yaña ğasır” üzeneñ xäbärçelären Rusiä buylap tota almıy, “Azatlıq”nıñ xälennän kilä bu eş.
Şamil Bahautdin, Samar
