Mari-El' respublikasındağı milli xäräkättä bulıp yatqan xällär turında Azatlıq radiosınnan xäbär itkän idek inde. Azatlıq radiosınıñ Qazan bülegenä Mari-El' respublikasında yäşäwçe Ramay Yuldaşev kilep, Marilarnıñ jretsı –Qartı, Vitaliy Tanakovqa mäxkämä eşe qararı turında häm milli xäräkät tormışınnan tağın başqa xällär turında da xäbär söyläp kitte.
2006 yılnıñ soñğı könnärendä marilarnıñ jretsı – Qartı, Vitaliy Tanakovnıñ “Jres uyları” dip atalğan broşyura bastırıp çığarğanı öçen Mari –El' respublikasında sud bulğan ide. Anda millätara häm mejkonfessional' nizağ çığaruda gäyepläp, sud anı 120 säğätlek eşkä mäcbür itte. Bu sud qararı nigezendä Vitaliy Tanakov qar köräw häm başqa şundıy xucalıq eşlären başqarırğa tieş bula .
Ämma ğinwar ayında Vitaliy Tanakov bu qarar belän rizalaşmıyça, Mari El' respublikasınıñ yuğarı sudına kassatsion jaloba cibärde, dip bezgä xäbär itte ul.
“Mari Uşim ”oyışması binadan quıp çığarıldı
Mari milli azatlıq xäräkäteneñ “Mari Uşim ”oyışması şähär qaramağındağı binadan quıp çığarıldı.
2006 yılnıñ noyäberendä bu “Mari Uşim”oyışmasın Yoşkar Ala şähär sudı terkäwdän töşergän ide. Ämma bu oyışma şähär sudı qararı belän kileşmiçä , yuğarı sudqa şikäyät yazıp , bu eş anda qaralğannan soñ , yuğarı sud terkälüne döres dip tapqan ide. Ämma şulay bulsa da, “MariUşim ” oyışması belän şähär xakimiäteneñ arasında äle duslıq xisläre dä yañadan uyanğan , dip äytep bulmıy. Mari -El'da yäşäwçe Ramay Yuldaşev bu turıda bolay dide: “ Läkin Yoşkar Ola şähärendä urnaşqan binasınnnan alarnı quıp çığardılar”.
“Mir kanaş”oyışması räiseneñ tormış iptäşenä kem höcüm yasağan?
27 ğinwarda “Mir kanaş” Bötenmari oyışması Plenumınıñ prezidium cıyılışı buluı bilgele ide. Plenumnıñ kön tärtibendä qaralğan mäs'älälär häm Plenum cıyılışınnan soñ bulğan xällär turında Ramay Yuldaşev bolay dide: Anda sotsial' iqtisadi häm säyäsi xällär häm Tanakov eşe buyınça da mäs'älär qaraldı. Plenum yaxşı ğına ütte. Läkin Plenum cıyılışı aldınnan comğa könne oyışma räise Vladimir Kozlovnıñ tormış iptäşe Ğalina Qozlawağa höcüm itälär.
Ramay Yuldaşev däwam itä. Anı qatı qinıylar iteklär belän… häm anıñ mie selkenä häm ul xastaxanädä yata. Ber yıl elek Vladimir Kozlovnıñ üzenä dä höcüm itelgän ide.
Bu xällär turındağı mäğlümatlarnı xoquq yaqlaw orğannarı aşa açıqlarğa mömkinçelek bulmadı, xäzergä.
Mälikä Basıyr
