Accessibility links

 
Макрон Украина белән бәйле планны аңлатты: бер айлык солых төзү һәм тынычлык тәэмин итү гаскәрләрен кертү тәкъдим ителә
Кайнар хәбәр

Макрон Украина белән бәйле планны аңлатты: бер айлык солых төзү һәм тынычлык тәэмин итү гаскәрләрен кертү тәкъдим ителә


(сулдан уңга) Зеленский, Стармер, Макрон
(сулдан уңга) Зеленский, Стармер, Макрон

Аерым алганда, Франция белән Британия "һавада, диңгездә һәм энергетика инфраструктурасына булган атышларны" бер айга туктатырга тәкъдим итә. Шул ук вакытта бу җирдә барган хәрби хәрәкәтләргә кагылмый.

Франция президенты Эммануэль Макрон Le Figaro басмасына Украина белән бәйле альтернатив тынычлык планы булуын сөйләгән.

Макрон АКШ һәм Русия килештергән тынычлык килешүенә ышанмавын әйткән. Моңа альтернатива буларак Франция белән Британия "һавада, диңгездә һәм энергетика инфраструктурасына булган атышларны" бер айга туктатырга тәкъдим итә. Шул ук вакытта солых җирдә барган хәрби хәрәкәтләргә кагылмый. "Атышны туктата калсалар, аның фронт сызыгы буйлап үтәлүенә ышану авыр булыр иде", дигән Макрон.

Әлеге планда Украинага Европаның тынычлык тәэмин итү гаскәрләрен җибәрү дә бар, әмма анысын солых төзегәннән соң гына эшләү ниятләнә.

"Якын атналарда украин җирләрендә бернинди европа гаскәрләре дә булмаячак. Сөйләшүләр, солых төзү берничә атнаны алачак, аларга ирешү өчен бу вакытны ничек кулланачакбыз — мәсьәлә шунда. Солых имзалангач, гаскәрләр урнаштырыла башлаячак", дигән Макрон. "Европа тынычлык тели, әмма ул "теләсә ниндия бәһа белән, гарантияләрсез", булмаска тиеш, ди ул.

Украина президенты Владимир Зеленский журналистларга бу план хакында беләм, дип әйткән.

Элегрәк Британия премьер-министры Кир Стармер тынычлык планы әле эшләнеп бетмәде, аның турында АКШ белән фикер алышачаклар һәм АКШ белән берлектә тормышка ашырачаклар, дигән иде. Бу план белән бәйле якында яңа очрашу булачак, диде Стармер.

  • Кичә, 2 мартта Лондонда Украинада тынычлыкка ирешүгә багышланган җыен үтте. Анда Европа илләренең 15 лидеры , шул исәптән Зеленский, шулай ук Төркия, Канада, НАТО һәм Европа берлеге лидерлары катнашты.

🛑 Русиядә Азатлык Радиосы сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!

Форум

Русия хакимиятләре Азатлык радиосын "теләнмәгән оешма" дип тамгалады. Фикер язар алдыннан Русиянең "теләнмәгән оешмалар" турындагы кануны таләпләре белән танышырга киңәш итәбез.
XS
SM
MD
LG