naif aqmal

Ğädel Rusiä çın oppozitsion partiä bulırmı?

Rusiädäge 3 säyäsi partiä, Rodina, Pensionerlar häm Tormış partiäläre Kremlne yaqlawçı Yedinaya Rossiağa qarşı näticäleräk köräşü öçen Spravedlivaya Rossia digän yaña partiägä berläşte. Ämma qayber tänqiläwçelär inde bu sulçı oppozitsiäne butaw öçen Kreml oyıştırğan eş dip belderä.

Serbiä referendumı Kosovo kiläçägenä täesir itärme?

Serbiä citäkçelege il xalqın atna axırında ütkän referendum näticäläre belän qotlıy. Referendumda Serbiä xalqı Kosovonı Serbiäneñ ber öleşe dip tanuçı yaña konstitutsiägä xuplaw belderde. Ämma tawış birüdä Kosovo albannarı qatnaşmadı. Yıl axırına Kosovonıñ statusın bilgeläw kötelgändä Yewropa Komissiäse bu mäs''älä serbiä konstitsiäse belän bäyle dip isäplämäwen belderde.

Yewropa Berlege Üzbäkstanğa çikläwlärne ozaytu mäsäläsen qarıy

Yewropa Berlege Üzbäkstanğa qarşı bıltırğı qanlı Andican waqıyğalarınnan soñ kertelgän çikläwlär möddäten ozaytu mömkinlegen qaraw öçen üzbäk räsmilären oçraşuğa çaqırdı. Ändicandağı xalıq kütäreleşe qoral belän bastırılğannan soñ Taşkentnıñ bäysez tikşerü ütkärüne kire qağuına cawap itep Yewropa Berlege qoral häm säfär çikläwläre kertekän ide.

Kosovo oçrağı elekke Sovetlar Berlege illärendäge nizağlarnı çişü öçen ürnäk bula alamı?

Küptän tügel Yewropa Berlegeneñ tışqı säyäsät öçen cawaplı yuğarı wäkile Javier Solana Kosovonıñ bäysezlek alu yulı Gruziädän ayırılırğa teläwçe Könyaq Osetiä häm Abxaziä öçen dä ürnäk bula ala dip beldergän ide. Rusiä prezidentı Vladimir Putin häm Rusiäneñ başqa räsmiläre bu turıda inde aylarça täqrarlap kilä. Ämma bu nidni ürnäk bula ala? Kosovo yulı şeşädäge cenne irekkä çığaru bulmasmı?

Rusiä prezidentı turı efirda xalıq sorawlarına cawap birde

Çärşämbe könne Rusiä prezidentı Vladimir Putin televidenie häm radio aşa turı efirda xalıq sorawlarına cawap birde. Bu anıñ 2000 yılda xakimiätkä kilüennän soñ il xalqı belän ütkärgän 5-nçe şundıy oçraşuı buldı. 3 säğät eçendä ul rusiälelärneñ eçke häm tışqı säyäsät mäsäläläre turındağı 50-dän artıq sorawına cawap birde.

Kiläse "gaz suğışı" qayda bulır?

Pragada Azatlıq radiosı binasında ütüçe Energiä forumında qatnaşuçı xalıqara belgeçlär kiläse gaz suğışı qayda häm nindi şartlarda başlanır digän soraw tiräsendä uylana. Üzäk Aziämne, Gruziäme yäki tağın Ukraindamı? Uzğan qışta Rusiä belän Ukraina arasında tabiği gaz bäyäse turındağı bäxäs Könbatış Yewropağa Rusiä gazı kilüneñ qısqa waqıtqa kimüenä kitergän ide. Bu isä Könbatış Yewropada Rusiä ışanıçlı täeminatçı bula alamı, häm başqa çığanaqlar tabıp bulamı digän soraw kütärügä säbäp buldı.

AQŞ Däwlät Departamentı räsmie Ğiraq säyäse turındağı tänqiten kire aldı

Ğiraq xristiannarı tupraqlı möxtäriät sorıy

Ğiraqta şığıylar belän sönnilär ber bersenä qarşı açıqtan açıq suğış alıp barsa, ildä yäşäwçe xristiannarğa, bigräk tä ässüriännärgä qarşı arta baruçı höcümnär turında äle küplär belmi. Uzğan ayda Rim papasınıñ İslam turında möselmannarnı qotırtqan çığışı utqa may sipkändäy buldı. Ğiraq xristiannarı biredä AQŞ citäkçelegendäge koalitsion täre höcümnäre okupatsiäse belän bäyle dip qarala. Elek Ğiraqnıñ waqıtlı xökümätendä migratsiä häm yortsız qalğannar mäsäläläre ministrı bulıp eşlägän ässüriän xristianı Paskal Warda xäzer Waşingtonda söyläşülär ütkärä. Ul Ğiraqnıñ ber öleşendä xristiannar häm başqa dini azçılıqlar öçen ayırım imin häm tınıç urın buldıru öçen tırışa.

Irish Times: Yewropa Berlege Rusiädä yäşäwçe görcilärne ezärlekläwne tuqtatırğa çaqıra

New Yorkta Anna Politkovskayanı iskä aldılar

Rusiädä üterelgän jurnalist Anna Politkovskayanı düşämbe könne New Yorkta da iskä aldılar. Politkovskaya könbatışta Rusiädäge iñ täesirle jurnalistlarnıñ berse sanala, anıñ yazmaları Çeçnädäge xällär turında tögäl xisap bularaq qabul itelä ide. Quşma Ştatlarda sovet diplomatları ğailäsendä tuğan Politkovskayanıñ AQŞ universitetlarındağı çığışları bik zur qızıqsınu cälep itä ide.

İzraildä prezident Moşe Katsavqa belderelgän zur ğäyepläwlär ildäge säyäsi sistemanı üzgärtü mäsäläsen kütärä

Izrail politsiäse il prezidentı Moshe Katsavnı censi ezärlekläwdä, xärämläşüdä häm telefon söyläşülären röxsätsez tıñlawlar oyıştıruda ğäyeplärlek dälillär bar dip belderde. Katsav üze mondıy ğäyepläwlärne kire qağa. Ämma anı xakimiättän töşerer öçen basım arta bara. Ul düşämbe könne parlamentnıñ qışqı cıyının açu utırışında qatnaşırğa tieş ide. Ämma qayber deputatlar Katsav bulğan oçraqta utırışqa kilmäw belän yanağannan soñ prezident ul niätennän baş tarttı.

Las Vegas - dönyanıñ iñ zur uyın şähäre

Qorallı Nalçik höcümenä 1 yıl

2005 yılnıñ 13 üktäberendä Qabarda-Balqar respublikası başqalası Nalçikka qorallı törkem höcüm itte. Üzen separatist Çeçen citäkçelege belän bäyle dip tanıtqan bu törkem şähärdä armiä, politsiä, iminlek xezmätläreneñ 20-läp töp qorılmasın utqa tottı. Höcüm räsmi sannarğa qarağanda 140-lap keşeneñ, şul isäptän 35 iminlek saqçısınıñ häm 90-nan artıq suğışçınıñ üleme belän tämamlandı. Şunnan soñ respublika xakimiätläre cirle möselmannarğa qarşı qatı çaralar kürä başladı. Şuşı waqıyğalardan soñ ber yıl ütte. Küzätüçelär Nalçik höcüme bügenge Qabarda-Balqar respublikasında azaplaw, üterü häm dini ezärlekläwlärgä säbäp buldı di.

Nobel Ädäbiät büläge törek yazuçısı Orhan Pamukka birelde

Bıyılğı Nobel ädäbiat büläge törek Yazuçısı Orhan Pamukka birelde. İstabulda tuıp üskän häm bügen dä şunda yäşäwçe 54 yäşlek Pamuk bu büläkkä berniçä yıl buyı täqdim itelep kilde. Ämma şuşı däräcäle büläkneñ bu törek yazuçısına birelüenä küp kenä töreklär quanmas kebek.

Cir şarınıñ cılınuı näticäsendä üzgärgän Seber üze dä Cirneñ cılınuına zur öleş kertä

Seber üzgärä. Tönyaqta yaña küllär barlıqqa kilä. Bulğannarı zuraya bara. Mäñgelek tuñ östendä tözelgän yortlar aqrınlap cirgä bata, yarıla. Häm ğalimnär bu üzgäreşlär kiläçäktä tağın da tizlänäçäk dip kisätä. Çönki küllär erü belän bergä alardan hawağa kümer häm metan gazı çığu da arta. Bu isä üz çiratında çir şarınıñ cılınuın tizlätä. Häm bu çılbır sıman däwam itä. Cir şarında cılılıq artqan sayın eregän küllär sanı da arta.

Cämäğätçelek Politkovskaya ülemenä qayğı belderä, ğädellek taläp itä

Xalıqara cämäğätçelek Mäskäwdä uzğan şimbä könne Kremlneñ Çeçnä säyäsäten, Çeçnädä keşe xoquqları torışın tänqiläwçe jurnalist Anna Politkovskayanıñ üterelüenä qayğı belderä, ğädellek taläp itä. Politkovskaya mäqälälärendä iñ nıq tänqitlängän Çeçnä premyer ministrı Ramzan Qadırov ta cämäğätçelek aldında qızğanıç belderde. Ämma bu zur şaw-şuğa säbäp bulğan waqıyğağa Rusiä prezidentı Vladimir Putinnıñ mönäsäbät belderergä aşıqmadı.

Rusiä üterelgän jurnalist Anna Politkovskayanı iskä ala

Bügen Rusiäneñ zur tirajlı barlıq gazetalarınıñ berençe bitendä atıp üterelgän jurnalist Anna Politkovskaya räsemnäre basılıp çıqtı. Mäğlüm tikşerüçe jurnalist, Mäskäwneñ Çeçnädäge ğämällären kisken tänqitläp kilgän Politskovskaya şimbä könne üze yäşägän yortnıñ kereşendä bilgesez keşe tarafınnan attıp üterelde.

Yanukoviç belän Yuşçenko, qarşılıqlarğa qaramastan, bergä eşlärgä mäcbür

Avgust ayında Viktor Yanukoviçnıñ Ukraina xökümäte citäkçelegenä kilüe ul elekke prezident saylawlarındağı köndäşe, prezident Viktor Yuşçenko belän bergä eşli alırmı digän soraw quyğan ide. Şunnan soñ uzğan çor isä alarğa bergä eşläw öçen kübräk tırışırğa kiräk bulaçağın kürsätte.

Pxenyannıñ atom sınawı ütkärü niätläre kierenkelekne tağın da arttıra

Waşington tağın ber märtäbä Tönyaq Koreanı atom qoralı sınawlarınnan tıyılırğa dip kisätte. Quşma Ştatlar Berläşkän Millätlär İminlek Şurasında Pxenyannı tıyılırğa mäcbür itäçäk qatı rezolütsiä qabul itelüen teli. Ämma älegä Şurada andıy rezolütsiä turında kileşü yuq.

Putin Ramzan Qadirovqa Çeçnä prezidentı bulırğa yardäm itärme?

5 üktäberdä Çeçnä premyer ministrı Ramzan Qadırovqa 30 yäş tula. Bu anıñ Çeçnä prezidentı bulu öçen soñğı xoquqıy kirtäne ütüen añlata. Ämma analitiklar fikerençä, anıñ säyäsi uñışqa ireşüe şiksez tügel. Çeçnädä berqädär yaqlawğa iä bulsa da ul töp säyäsi tayanıçı Kremlneñ yaqlawın yuğalta bara digän işarälär bar.