naif aqmal

FSB Ğiraqta Putin yöklämäsen üti alırmı?

Rusiä prezidentı Vladimir Putinnıñ Ğiraqta Rusiä diplomatların ütergän terrorçılarnı tabıq yuq itü turındağı üç alu täqdime ildä çirattağı däwlät proyektına äwerelep bara. Däwlät Duması prezidentqa ildän çittäge terrorçılarnı yuq itü öçen maxsus xezmätlärne qullanu wäkaläte birergä cıyına. Ämma qayber analitiklar bu säyäsi adım ğına bulırğa oxşıy, çınlıqta isä bügenge Ğiraqta Putin quyğan maqsatnı ütäw mömkin tügel diärlek eş dip isäpli.

Gaza Sızığına tönyaqtan da İzrail tankları kerde

Uzğan atnada İzrailneñ ber xärbien totıq itep alğan Fälestin suğışçıları aña almaşqa İzrail törmälärennän fälestinle totqınnarnı çığaru öçen waqıt çige dip sişämbe irtäsen bilgeläde. Suğışçılar ägär dä taläp şuña qädär ütälmäsä, totqın xärbi mäsäläse yabıla dip belderde. Uzğan töndä İzrail xärbi oçqıçları Gazadağı hädäflärne bombalawnı däwam itte. Şul uq waqıtta azsanlı İzrail tankları Gaza sızığına tönyaqtan kilep kerde.

Rubl ildän cittä irekle almaştırıla torğan aqça bulaçaq

Tizdän Rusiä aqçası rubl patşa zamanınnan soñ berençe märtäbä ildän çittä dä almaştırıla torğan aqçağa äwereläçäk. 1-nçe yüldän başlap rubl xalıqara bazarlarda da irekle satıla ala torğan aqça berämlege bulaçaq. Pänceşämbe könne Rusiä xökümäte utırışında monıñ öçen härtörle şartlar tudırırğa yardäm itü çaraları turında süz bardı.

Izrail totıq itep alğan xärbien qaytaru taläbe belän fälestinlelärgä basımnı arttıra bara

Israil üzeneñ ber soldatın totıq itep alğan fälestin suğışçılarınıñ anı qaytaruına ireşü öçen Fälestin xökümätenä basımnı arttıra bara. Uzğan töndä Könbatış Yarda İzrail köçläre Xämas citäkçelegendäge fälestin xökümäteneñ berniçä ministrın, 20-läp deputatnı qulğa alğan dip xäbär itelä. İzrailneñ höcüm oçqıçları Süriä prezidentı Bäşär äl Assad sarayı östennän tübännän genä oçıp ütte. Bu Xämas citäkçelären sıyındırğan öçen Süriäne kisätü dip qabul itelde. Çärşämbe könne isä İzrail ğäskäre Gazada uzğan sintäberdä annan çığarılğannan soñğı iñ zur xärbi çaralarğa kereşte. Yaqın Könçığışta kierenkelekneñ arta baruı xalıqara cämäğätçelekneñ borçıluına säbäp buldı.

Amnesty International Rusiäneñ Çeçnädä keşe xoquqların yaqlawçı 2 jurnalistın büläkläde

Dönyada keşe xoquqları torışın küzätep baruçı Amnesty İnternational törkeme sişämbe könne keşe xoquqların yaqlawçı Rusiäle 2 jurnalistqa Tönyaq Kafkazdağı eşçänlekläre öçen büläk birde. Qurqınıç astındağı jurnalizm dip atalğan bu büläk Londonda tantanalı räweştä Stanislav Dmitrievsky belän Oksana Çelışevağa tapşırıldı.

Izrail Gaza Sızığı çigenä ğäskär tuplıy

Fälestin suğışçıları İzrailneñ ber soldatın totıq itep alğannan soñ İzrail Gaza Sızığına ğäskär kertü belän yanap üz köçlären çik buyına tuplıy başladı. İzrail'' premyer ministrı Ehüd Olmert fälestinlelärneñ totıq itep alınğan soldatnıñ qayda buluı turında mäğlümätkä almaşqa İzrail törmälärendäge fälestin xatın-qızlarnı häm üsmerlärne çığaru taläben kire qaqtı. Olmert uzğan yäkşämbedä ul soldatnıñ totıq itep alınuına kitergän höcüm öçen Xämas citäkçelegendäge fälestin xökümäte häm prezident Mäxmüt Abbas citäkçelegendäge Fälestin idaräse cawaplı dide.

Dönyada narkotiklar satu kimesä dä, Äfğänstan häm İran öçen problema arta bara

Bügen Dönyada narkotiklarğa qarşı köräş köne bilgelänä. Berläşkän Millätlär Oyışması bu uñaydan üzeneñ Dönyada Narkotilar turında Xisabın iğlan itte. Bu xisapqa qarağanda bıltır dönyada äfyün citeşterü kimegän. Şul uq waqıtta BMOnıñ narkotiklarğa qarşı köräş idaräse başlığı bıyıl Äfğanstanda narkotiklar citeşterüneñ artu mömkinlege turında belderde. Bu narkotik taşuçılarnı totuda iñ uñışlı eşläwçe şuña da qaramastan narkomaniädän zıyan kürüçe İranğa nıq täesir itär dip kötelä. BMO narkoitklarğa qarşı köräştä iñ möhime ixtiacnı kimetü dip isäpläsä, İran xökümäte täeminatnı tuqtatuğa zurraq iğtibar birüne däwam itä.

Tokyo belän Waşington Pxenyannı raketa sınawdan tıyılırğa çaqıra

Almaatada Aziä illäre citäkçeläreneñ iminlek mäsälälärenä bağışlanğan sammitı ütte

Freedom House "Küçeş çorı däwlätläre 2006" xisabın iğlan itte

Quşma Ştatlarda terkälgän dönyada keşe xoquqları torışın küzätep baruçı Freedom House oyışması äle genä Küçeş çorı däwlätläre 2006 dip atalğan yıllıq xisabın iğlan itte. Anda Üzäk Aziä, Kafkaz däwlätläre häm Rusiä kebek energiä çığanaqlarına bay illär ul çığanaqlarnıñ strategik ähämiäte arta barğan sayın demokratiäne kimetä dielä. Bıyılğı xisapta ayıruça Qazaxstan, Törkmänstan, Azärbäycan häm Rusiägä zur iğtibar birelä.

Paqstan üzendä kütärelep kilüçe yaña Talibanğa qarşı köräşä

BMO Iminlek Şurasınıñ daimi äğzaları häm Germaniä uran bayıtunı tuqtatuğa almaşqa Tährannı qızıqsındıru çaraları turında kileşte

BMO Iminlek Şurasınıñ 5 daimi äğzası häm Germaniä Tähran uran bayıtudan baş tartqan oçraqta anı qısıqsındıru çaraları turında kileşte. Alar şulay uq İran bu täqdimgä qızıqsınu kürsätkän oçraqta BMOda aña qarşı çaradan baş tartırğa dip kileşte. Ämma bu yaña söyläşülär öçen başta ber şartnıñ ütälüe taläp itelä. Tähran başta uran bayıtuğa bäyle barlıq tör eşçänleklärne tuqtatırğa tieş.

Yewropa Parlamentı deputatlarınıñ ber öleşe Äxmädinicatnı Yewropağa kertmäskä çaqıra

Äxmädinicat İzrail'' häm holokost turında fikeren, atom mäs''älälärenä häm keşe xoquqlarına qarata säyäsäten üzgärtmäsä persona non grata dip sanalırğa tieş dielä. Deputatlar bigräk tä Äxmädinicatnıñ bu ayda Germaniädä ütäçäk dönya futbol çempionatında İran futbolçılarınıñ uyının qararqa kilü mömkinlegenä borçıla.

Javier Solana: Tährannıñ Yewropa Berlege täqdim itkän kompromissqa cawabı İrannıñ cın niätlärenä açıqlıq kertäçäk

Yewropa Berlegeneñ tışqı säyäsät öçen cawaplı ölkän wäkile Javier Solana ägär dä İran Yewropa täqdim itkän qızıqsındıru çaralarınnan baş tartsa bu Tährannıñ uran bayıtuınıñ maqsatı atom qoralı yasaw buluın añlataçaq dip belderde. AQŞ belän Yewropa Berlege İranğa qarata çikläwlär mäsäläsen kütärgändä Yewropanıñ kompromiss täqdime bu atnada BMO İminlek Şurasında qaralırğa tieş.

Yewropa Berlegen kiñäytü mäsäläsendä basım arta barğanda Berlekneñ yaña konsitutsiäse turında qarar qabul itü kiçekterelde

Yewropa Berlegenä kergän 25 ilneñ tışqı eşlär ministrları şimbä könne Venadağı oçraşuda Berlekneñ yaña konstitutsiä proyektı turında qarar qabul itüne tağın ber yılğa kiçekterergä kileşte. Bu Berlektä älegä çişelä almaslıq mäs''älälärne kön tärtibendä qaldıru öçen yış qullanıla torğan ısul. Yaña konstitutsiäne ratifikatsiäläw bıltır Fransiä belän Niderlandtağı uqışsızlıqlardan soñ tuqtalıp qaldı. Yaña konstitutsuä mäs''äläse Berlekne könçığışta taba kiñäytü plannarı belän tığız bäylängän.

Bush röxsätsez möhäcirlärne küpläp deportatsiäläwgä qarçı çıqsa da, AQŞ-Meksika çigen saqlarğa ğäskär cibärergä cıyına

Quşma Ştatlarda küpsanlı röxsätsez möhäcirlär säyäsi mäs''älägä äwerelde. Qayber Kongress äğzaları - küpçelege prezident George Bushnıñ Respublikan partiäse wäkilläre – Amerikada röxsätsez yäşäwçe millionnarça çit il keşese amerikannarnıñ eşlären aldı häm xezmät xaqlarınıñ töşüenä säbäp buldı dip alarnı küpläp ildän çığarıp cibärergä çaqıra. Başqalar isä, şul isäptän Bush üze dä çikne barı eş tabu häm ğailälären asraw öçen genä ütep kergän röxsätsez möhäcirlärgä yomşağraq çaralar kürüne yaqlıy. Düşämbe kiçendä prezidentı Aq Yorttan televidenie aşa il xalqına möräcäğät itep bu mäs''äläne çama belän çişärä çaqırdı, şul uq waqıtta süzen qatı itep äytergä tırıştı.

Iran Şanhayğa quşılıp üzeneñ atom programmasına yaqlawnı arttıra ala

Şanhay Xezmättäşlek Oyışmasına küzätüçe däräcäsendä kergän İran küptän tügel oyışmada tulı xoquqlı äğza bulırğa cıyınuın belderde. Häm ul Oyışmağa iyün ayında uq quşılırğa ömetlänä. Bu könbatıştqa İrannıñ atom programmasın awızlıqlawnı şaqtıy qıyınlaştırırğa mömkin. Şanhay äğzası bulu urtaq saqlanu kileşüendä bulunı añlatmasa da Tähran üzeneñ bu oyışmadağı töp berektäşläre Rusiä belän Qıtaydan östämä yaqlawğa ömetlänä ala.

Täräqi itüçe 8-lek sammitı İranğa atom programmasın yaqlap çığış yasaw mömkinlege birä

Şimbä könne, 13 mayda tärräqi itüçe 8-lek dip ataluçı törkemgä kergän 8 ilneñ başlıqları İndoneziäneñ Bali utrawında oçraşuğa cıyıla. 1997-nçe yılda, ul çaqtağı Törkiä premyer minsitrı Näcmetdin Erbakan başlanğıçı belän tözelgän bu oyışmağa Paqstan, Törkiä, İran, Mısır, İndoneziä, Banğladış, Nigeriä häm Malayziä kerä. Möselman illäre älege oçraşunıñ räsmi maqsatı dip iqtisadıy xezmättäşlekne atıy. Ämma oçraşu oyışma äğzası bulğan İrannıñ atom programmasına bäyle xalıqara kierenkelek arta barğan çaqqa turı kilä.

Tähran Atom texnologiälären taratmaw kileşüennän çığu belän yanıy

CİA başlığı Porter Goss wazıyfasınnan kitte