Чаллыда телефон террорчылыгы (Җинаять кодексының 207 маддәсе, 3 өлеше) турындагы эш нигезендә Марат Камалов тентү узган, бу хакта "ОВД-Инфо" яза.
Камаловның электрон җиһазларын тартып алганнар һәм сорау алу өчен алып киткәннәр, соңрак шаһит статусында җибәргәннәр диелә хәбәрдә.
Узган җомгада Чаллыда телефон террчылыгы турындагы эш нигезендә дүрт кешедә — Раушан Вәлиуллин, Дмитрий Тетерин, Рифат Бәдретдинов һәм Рәмзил Галимҗановта тентүләр узган иде.
"Idel.Реалии" мәгълүматына күрә, җинаять эше ачуга Чаллыдагы ике банкка — "Автоградбанк" һәм "Камкомбанк"ка — шартлаткычлар куелуы турындагы хәбәрләр сәбәпче булган.
Тикшерү фаразынча, 1 апрельдә билгесез зат электрон почта аша банкларга шартлаткычлар куелуы турында "ялган хәбәрләр" тараткан.
Шартлаткычлар куелуы турындагы хәбәрләр расланмады.
🛑 Русиядә Азатлык сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!
