Tatarstannıñ Çallı şähärendä “İslam nurı” näşriätı soñğı 4- 5 yılda gäcitädä dönya kürgän iñ yaxşı wäğäzlärne “İzgelekkä näsıyxätlär” iseme belän kitap itep çığardı. Cıyentıqta 17 avtornıñ wäğäzläre basılğan. 17 avtornıñ berse- Samar Cämiğ mäscedeneñ Baş imamı Xälil uğlı İrşat Safin.
Duslıq yortında tatar balaları üzläreneñ çırşı bäyrämnären uzdırdılar. Şundıy matur bäyrämne narasıylarğa milli xäräkätneñ yäşlär törkeme oyıştırğan ide. Färhäd mäxmütov häm Al''bina Mäxmütova tırışlığı belän öç säğätlek tamaşa balalarğa da, olılarğa da zur ruxi läzzät birde. Qış babay, Qar qızı, Şüräle, Ubırlı qarçıq, Xat taşuçı- barçası da matur itep tatarça söylädelär, cırladılar, biedelär, şiğer söylädelär. Qunaq aşı- qara qarşı digändäy, nänilär dä töşep qalğannardan bulmadılar. Şiğerlär dä söylädelär, cırlap ta kürsättelär. Altmışqa yaqın narasıy yäşel çırşı tiräsendä bolın çäçäklären xäterlättelär. Bersennän – berse matur külmäkle qızçıqlar qurçaqlarnı xäterlätälär ide. Tatar balaları tatar moxitendä yal ittelär, cır tıñladılar, iyüllär kürdelär. Bıyıl berençe märtäbä çırşı bäyrämendä nänilärneñ İzge kitabıbız Qor’ännän ayätlär uquı- şulay uq Samar tatar balalarınıñ ruxi baylığın kürsätte. Yal mäcleseneñ 10 yäşlek İl''yasnıñ “Azan” äytüe belän başlanuı şulay uq yañalıq buldı. Balalarnıñ ğına tügel, ä küp ata- analarnıñ da “Azan” tıñlawları siräk küreneş bit.
Bügenge köndä Samarda illegä yaqın çirkäw, şunıñ östenä tağın 19 çirkäwne tözep yatalar. “Волжская заря”” gäcitäseneñ yaña yılnıñ berençe sanında ölkäneñ baş ataqayı Sergi belän Samar şähäreneñ türäse Georgiy Limanskiy curnalistnıñ soraмlarına cawap totalar. Baş ataqay mer Limanskinı maqtap beterä almıy. Sergi äytüençä, Limanski Samar mäktäplärendä pravoslavie däreslären kertügä zur köç quya ikän. Samarda çirkäwlär sanı üsügä bik küp närsälär yaxşığa üzgärgän ikän bit! Şunda uq 30% ayırılular kimegän, 45 märtäbä narkomannar sanı kimegän.Läkin gäcitä añlatmağan ber närsäne, narkomannar ülü arqasında da alarnıñ sanı kimüe bar bit! Balalar tabu artqan häm şähärdä 500 tözeleş kranı eşli ikän. Limanski: “Mondıy küreneş Rossiädä berqayda da yuq,”- dip oran sala. Eşlär bolay barsa, här millionlı şähärdä Samardağı kebek 80 çirkäw salırğa da barlıq problemalar da xäl iteläçäk. Vladıka Sergi: “Bol''şe xramov- menşe tyurem”,- digän şiğar taşlağan. Ataqay Sergeyğa soraw biräse kilä. Revolyutsiägä qädär atlağan sayın çirkäw torğan, nigä soñ bu 1917 yıl qanqoyğıçı kilep çıqqan ikän soñ tärele, çirkäwle, poplı Rusiädä? Ni öçen ruslar aqlarğa häm qızıllarğa bülengännär?
Çirkäwlär sanınıñ artuı bala tabuğa tä''sire bulğan, xättä şähärdä tözeleş krannarı da artqan, ä menä çirkäwlär sanı xaqlar üsüdän genä tuqtata almıy älegä.
Ğinwarnıñ berennän elektroenergiäseneñ ber kilovatına elek 1 sum 15 tien tüläsälär, xäzer 1 sum 31 tien tüläyäçäklär.
Ayırım marşrutlarda Ğazellärdä ber utırğanda 15 sum tüläsälär, xäzer 20 sum tülilär.
Şamil Bahautdin, Samar.
