Samar tatar cämäğätçelege şuşı könnärdä quanıçlı mizgellär uzdıra. İstä qalırlıq könnär. Maynıñ 22- dä Samara ölkä administratsiäse binasında illegä yaqın keşegä däwlät büläkläre tapşırıldı. Şular arasında millättäşebez İsmägıyl' uğlı İlgiz Kälüç tä bar ide. İlgiz Kälüç- Samar töbägeneñ 1-nçe mäşhür tatarı, texnik fännär kandidatı, Rossiä Federatsiäseneñ häm Tatarstannıñ atqazanğan mädäniät xezmätkäre, 36 yıl buyına “Yalqınlı yäşlek” cır, biü, şiğriät ansamblen citäkli häm menä İlgiz Kälüçkä gubernator Konstantin Titov Duslıq ordenın tapşırdı.
İlgiz äfände, ğömeregezdä berençe märtäbä orden taqtığız. Nindi toyğılar bili küñelegezne?
Aq yortta gubernator Titov küp kenä keşelärgä büläklär tapşırdı. Monda zavod- fabrikada eşläwçelär, intelligensiä wäkilläre küp ide, kürenekle belgeçlär. Maqtaw käğäzläre, medal'lär tapşırıldı. Ämma läkin orden beräw genä ide, ul miña ğına birelde. Min gubernatorğa:”Konstantin Alekseeviç, kiläçäktä dä Samar tatarlarına xezmät itärmen. Yözegezgä qızıllıq kitermäbez. Üzegez dä bez- tatarlarğa yärdäm itep yäşisez. Räxmät,”- didem. “Kiläçäktä dä tatar xalqına yärdäm itäçäkbez”-, dide gubernator.
Orden alır aldınnan kübräk dulqınlandığızmı, ällä orden alıp qaytqaçmı?
Älbättä alır aldınnan. Mine ordennıñ bizäleşe tetränderde. Yäşel töslär bik tä inde islam ruxın tudıra. "Duslıq" ordenı täresez buluı belän dä canğa yaqın. Küñelgä yatırlıq, möselman qiäfätle närsä.
Qayber bändälär, kükräge tulı ordennarı bulğan keşelärgä dä, bitaraflıq kürsätälär. Orden alu ciñel tügelder.
Ciñel tügel. Miña birgän “Duslıq” ordenı ul Samar tatarlarına da birelgän büläk dip sanıym. Xalıqnıñ quyğan xezmätenä näticä.
Aq yort tarafınnan şäxesne zurlaw- millätne olılaw dip tä qabul itelä bit äle. Sezneñ turında yazalar, Sezne kürsätälär, şunıñ belän tatar milläten propagandalıylar, millätne zurlıylar.
36 yıl buyına töp xezmättän soñ eşlägän eşemne, milli xäräkättä quyğan xezmätemne kürü dip qabul ittem.
Şamil Bahautdin, Samar
