Fivralneñ 1-endä ütkärgän matbuğat oçraşuında prezident Vladimir Putin kötelmägän belderü belän çıqqan ide. Anda ul, gaz satu ölkäsendä dä OPEC kebek ber oyışma qoru niäte şaqtıy qızıqlı ber ideä, dip belderde. Rusiä prezidentı, bez inde bolay da bazardağı ğämällärebezne öçençe illär belän köyläp alıp barırğa tırışabız, monı kiläçäktä dä däwam itäçäkbez, dide. Ämma ul şunda uq, Rusiä bu ölkädä ayırım ber kartel tözügä qarağanda, menä şul üzara köyläwne genä yaqlıy, dip tä östäde.
