сугыш

Украинадагы сугышта Татарстаннан һәлак булучылар саны 4 меңнән артты

Азатлык Радиосы җыйган исемлектә ике республикадан (Башкортстан белән Татарстаннан) һәлак булулары расланганнар саны шушы көннәрдә 8,5 меңнән артты. Бу — ачык чыганакларда табылган исемнәр генә, чынлыкта үлүчеләр санының тагын да зуррак булуы бик мөмкин.

Фәрит Мөхәммәтшин урысча белмәүче мигрант балаларын мәктәпкә алмау турындагы федераль канунны тәнкыйтьләп чыкты

"Әгәр мәктәпкә алмыйча, урамда калдырсак, аларны хулиган яшьләр эләктереп алачак", ди ул. Былтыр 11 декабрьдә Русия Думасы мигрант балаларын урыс телен белмәгән килеш мәктәпкә алуны тыю турында канун кабул итте. Ул 2025 елның 1 апреленнән гамәлгә керә.

Русия Думасында "шәхси файда өчен" гаскәрне "кимсетүчеләргә" җәзаны көчәйтергә тәкъдим итәләр

Җинаять маддәсенә "шәхси файда өчен" һәм "акча өчен" дигән төшенчәләр кертмәкчеләр, җинаять эшләрен исә башта административ маддә нигезендә штрафка тартып тормыйча да ача алачаклар. Юристлар яңа төзәтмәләр беренче чиратта журналистларга, активистларга, адвокатларга һәм сәясәтчеләргә кагылачак ди.

Русия Чехия хакимиятеннән журналист Фәридә Корбангалиеваны тапшыруны таләп итә

Элек "Россия-1" телеканалында яңалыклар алып барган журналистны былтыр октябрьдә халыкара эзләүгә биргәннәр иде. Корбангалиеваның "террорчылыкны акларга чакыру"да һәм "милли нәфрәт яки дошманлык сәбәпле Русия гаскәре турында ялган мәгълүматлар таратуда" гаепләнүе искәртелде.

WSJ: сугыш башланганнан соң Җәзаларны үтәү федераль хезмәтенә украин әсирләрен җәфаларга кушылган булган

WSJ болар турында язганда ФСИНның элекке өч хезмәткәрләре сөйләгәннәргә таяна.

Казанда ике ел элек Угледар янында тар-мар ителгән "Алга" батальоны хәрбиләрен искә алганнар

2023 елның 6 февралендә "Алга" батальонының барлык өч тулы булмаган ротасын да Угледар янындагы урманны штурмларга җибәрделәр. Анда 120ләп кеше киткән, диелгән иде. Былтыр октябрь аенда Татарстанга шул чакта үлгән "Алга" сугышчыларының җәсәдләрен кайтара башлаулары хәбәр ителде.

Башкортстанның "үги" районы. Украина һәм Хәбиров сугышы арасында калган Баймакта ничек көн күрәләр?

Медиа: 2023 елда саклану министрлыгы вәкилләре йөзләгән колониягә барып 29 мең тоткынны җыйган

Саклану министрлыгына чаклы тоткыннарны сугышка "Вагнер" хосусый хәрби ширкәте җыя иде. 2023 елның маенда хәрби оешманың җитәкчесе Евгений Пригожин "Вагнер"ның сугышка 50 мең тоткынны җибәрүен, шуларның 10 меңе (20 проценты) үлүен хәбәр иткән иде.

Кузбасста һәм Бердскида сугышудан баш тарткан һәм хәрби бүлекчәләреннән качкан хәрбиләр өчен лагерьлар ясаганнар

Мондый лагерьларда утыручыларны кабат фронтка җибәрергә мөмкиннәр. Юрга бүлгесендәге хәрбиләр әйтүенчә, аларны сугышка конвой астында, йөк ташый торган вагоннарда алып китмәкче булалар. "45нче елдагы кебек", ди хәрбиләр.

Украинаның Сумы өлкәсендә тормыш ничек?

Русия саклану министрлыгы сифилис белән чирләүче һәм психик авырулары булган ирләрне хәрби хезмәткә яраклы дип танырга тәкъдим итә

"Движение сознательных отказчиков" хокук яклау проектында бу уңайдан: "Мәҗбүри хәрби хезмәттән азат ителү һәм сәламәтлек белән бәйле гаскәрдән китү авыррак булачак", дип кисәтәләр.